تبلیغات
ایدمان - آسیا: تیراختور دایانما، گؤزلر یولوندا
 
ایدمان
آذربایجان دیاریمیز تراختور افتخاریمیز
درباره وبلاگ



مدیر وبلاگ : صدرا
نویسندگان
نظرسنجی
به نظر شما قهرمان این فصل کدام تیو خواهد شد؟









آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
آندرانیك تئیموریان‌دان نئچه ایل خبر یوخ ایدی. او گلیب تیراختورون باشاریلاریندا پایلی اولماقلا، اؤز آدینی بیر داها دیللره سالدی. ایندی ائله پئرفورمانس گؤستریر كی آسیا یاریشلاریندا بیر اویوندا دونیالیق سطح‌ده قاچابیلیر، و باشقا اویون‌دا دا یاریش كیشی‌سی (Man of the match) سئچیلیر. اونون یانیندا محمد نصرتی‌ده بئله‌دیر و ایرانین ان یاخشی اویونچولارین‌ساییلیر. ایران دؤردونجو اویون‌دا، موشخص بیر استراتژی و یئیینلیك ایله اوینایان گونئی كوره (كره جنوبی) قارشی‌سیندا، بیر ایش باشارماییب  و یئنیلدی. منجه آدینی چكدیگیمیز ایكی اویونچو، یانی آندرانیك و نصرتی، مورببی‌نین تاكتیك‌سیزلیگی ایچینده باتلاغا گیردیلر.

باشقا یاندان گؤزلر كرار جاسیم‌ده ایدی. او 2007جی ایلده قهرمان اولموش ایراق(عراق) تاخیمیندا آووستورالیایا قول وورسایدی‌دا، باشقا تجروبه‌لی اویونچولار یانیندا كؤلگه‌لر آلتیندا ایدی و بو ایل‌ده مصدومیته گؤره ایكی ایلك یاریش‌دا فورصت تاپمادی. آنجاق اوچونجو اویون، قوزئی كوره‌(كره شمالی) قارشی‌سیندا فیكس اولوب، یارادیجی‌لیق و خلاقیتلرینی اورتایا قویماقلا، اؤز میللی‌سی ایچین تئزلیكله بیر قول ووروب، و اونلاری ایكینجی آشامایا(مرحله‌یه) آپاردی. اونون نقشی او قدر چوخ ایدی كی وولفقانگ سیدكا، ایراغین آلمانلی مورببی‌سی، اؤزللیكله كراری آلقیشلادی*. آما كوره یاریشینداكی ائتكی‌لی اویناماغا باخمایاراق، كرار جاسیم دؤردده بیر فینال یاریشی (یك چهارم نهایی) آووستورالیا قارشی‌سیندا اوینادیلمادی! بونون سببی دئییلیر گئنه‌ده مصدومیته  گؤره‌دیر. آما اویوندان سونرا كی انتقادلار و اله‌شدیرمه‌لرده، ایراقلی‌ یازارلار كرارین اویونا قاتیلماغی‌نی گركلی بیلدیریرلر. اؤرنك ایچین دئییرلر: "مصطفی كریمین مئیدان‌دا اویناماغی، مدافع‌لرین باشینی قاتابیله‌ن كرار جاسیمین اویونا گیرمه‌یینی ده واجیب ائدیردی** ".

یوخاری‌دا آد آپاردیغیمیز اویونچولارین ایلك دؤنه، یوخسا بیر داها یئنی‌دن پارلاماقلاری، و اولابیلر آسیا دان اوستون اویناماقلاری، یقین كی تیراختورون یاراتدیغی اورتام‌لا(محیط ایله) ایلیشكی‌لی‌دیر. تیراختوردا اویناییب، باشقا كئیفیت ایله روحیه تاپیب - آلقیشلانماق، یانی اولوسلار آراسی سطح‌ده تجربه قازانماق. یقین كی تیراختورون مرتضی اسدی، مئهدی كیانی، مصطفی اكرامی و محمدحسن ابراهیمی كیمی باشقا اویونچولاری‌دا بو یاریشلارا گئتمك ایچین لیاقتلی ایدیلر. دئمك اولار بوندان سونرا دا تیراختورا اولونان ماراقلار و توجه‌لر آرتاجاقدیر. ایندی دئمك اولار تیراختور آسیا كلوبلاری یاریشلاریندا اویناماسادا، میللی یاریشلارین كئیفیتی‌نی یوكسه‌لدیرمك‌ده اؤز "تیمی" نقشینی‌ ده گؤسته‌ریر.

تیراختور ایندی، عئینی زاماندا نئچه اویونچونو، باشقا اؤلكه‌لر كؤینه‌كی ایله، مئیدانلارا گؤنده‌ریر. قدیم زامانلار بئله دئییلدی و بو ائتكی غئیری-موستقیم اولوب و آرادا تیراختورون آدی ایتیردی. اؤرنك(مثال) ایچین كریم باقیری‌نی دئمك اولار. البته تیراختور اؤزونو باشقا شكیل‌ده مطرح ائتمك ایله، و حتی باشقا اولوسلار و اؤلكه‌لرین یئته‌نكلی(استعدادلار) اویونچولارینی آدلیم ائتمك ایله، اونودولموش سابیقه‌لرینه ده صاحیب چیخابیلر. بو آزربایجانلی‌لارین مهارتی‌ و باجاریقلاری ساییلابیلر:

تیراختور تكجه یئرلی(بومی) و آزربایجانلی اویونچولاری مطرح ائتمیر، و قاپی‌سی بوتون اولدوز اولماق ایسته‌یه‌نلره آچیق‌دیر.

بونو دا اونوتمامالی‌ییق، آسیا 2011 یاریشلاریندا اؤز آرزیلارینا  چاتابیلمه‌یه‌ن اوچ اولدوزوموز دا تیراختورو آسیایا چاتدیرماق ایچین ایكی قاتلی (مضاعف) كؤنول گوجو و روحیه تاپاجاقلار. ایندی بیزیم "تیراختور سالدیر، بیز آسیا ایستیریك" دئمه‌ییمیز، گرچك‌دن ال‌دن اوزاق ایستك دئییل كی هئچ، ترسینه، آسیا تیراختورو چاغیرمالی‌دیر:
"تیراختور دایانما؛ گؤزلر یولوندا".




نوع مطلب :
برچسب ها :

       نظرات
پنجشنبه 7 بهمن 1389
صدرا